ʼn #JongYster is ʼn hardwerkende ambagstudent wat nie terugstaan vir ʼn uitdaging nie, wat oplossingsgedrewe is en uitnemendheid toon in hul prestasies, vaardighede, gesindheid en toewyding. ʼn #JongYster presteer nie net akademies nie, maar neem deel aan ander kampusaktiwiteite en ondersteun medestudente waar hulle kan.
Solidariteit Student bied jaarliks die #JongYster-kompetisie aan om sodoende ‘n uitnemende Sol-Tech-student vir hul harde werk te beloon.
Nadat verskeie nominasies ontvang is, is ‘n kortlys van agt studente saamgestel wat op 27 Junie 2024 aan die Ambagresies op die Sol-Tech-plaas deelgeneem het. Van saag, boor tot skroewedraaier gooi – die kandidate se vaardighede is behoorlik getoets!
Die top-5 #JongYster kandidate is na die Ambagresies aangekondig. Baie geluk aan elke student- die besonderse ywer en geesdrif waarmee julle die kompetisie aanpak is merkwaardig!
Die top 5 kandidate is: Divan Bornman, Stephan Boshoff, Donae van Deventer, Tertius van Eeden en Daru Pretorius.
Die kandidate word uitgenooi na die #JongYster-onderhoude wat op 9 Julie 2024 gevoer gaan word.
Tydens die onderhoude gaan elke #JongYster-finalis, deur die ander #JouYster-2024 finaliste, ambagverwante vrae gevra word. Hierdie onderhoude tesame met die punte wat tot dusver tydens die kompetisie verwerf is, gaan gebruik word om te bepaal wie die uiteindelike wenner.
