Sol-Tech op Facebook
Nuus
Ons alumni vertel
Gerhard Akker (22 jaar)
Gerhard is ’n gereedskapmaker wat glo dat hy by Sol-Tech letterlik ’n tweede kans op die lewe gekry het. Die dag toe hy by Sol-Tech moes begin, was hy in ’n motorongeluk betrokke wat byna sy lewe geëis het. Hy het egter oorleef en glo dat hy hierdie tweede geleentheid moet aangryp en elke dag die beste van elke geleentheid moet maak.
Gerhard kom oorspronklik van die Noord-Kaap en het in Durban gematrikuleer. In 2017 het hy sy studies by die N-skool by Sol-Tech begin waarna hy in 2018 met sy prakties begin het. Ná sy prakties het ’n ingenieursfirma aangebied om vir sy vaktoets te betaal en het hy by dié firma aangebly. Hy is glad nie spyt oor sy besluit nie.
“My studies by Sol-Tech het vir my soveel deure oopgemaak. Die firma waar ek nou werk, het my al die wêreld vol gestuur en ek voel deel van die maatskappy. Ek het met ’n baie goeie intreesalaris en heelwat voordele begin. Ek is baie dankbaar vir die geleenthede wat ek gekry het.”
“Daar is ’n groot tekort aan ambagslui in Suid-Afrika. Gehalte-opleiding soos dit wat ek by Sol-Tech ontvang het, laat jou kop en skouers bo die res uitstaan. Jy moet egter steeds bereid wees om hard te werk en jou beste te gee. Dit geld ook vir voornemende studente. Besluit wat jy wil doen en werk dan hard om dit te bereik.”
Lees gerus meer by: bit.ly/30mqNNt
#jousoltech #soltechalumni #soltech2020
Solidariteit Jeug en S-Leer bied die tweede deel van 'n webinaar rakende die voorbereiding vir werksonderhoude aan, met die tema:
Hoe om 'n werksonderhoud te benader en te hanteer.
Bespreek gerus by: bit.ly/2XnFRs9
#joutoekoms #jousoltech #werkonderhoud
Sol-Tech het die volgende vakature beskikbaar:
Lektor: Diesel- / Trekkermeganika
Vir meer inligting, besoek gerus:
sol-tech.co.za/meer-oor-sol-tech/vakante-poste/
#jousoltech #soltech2020
Luister gerus na die insetsel op Skuins voor Pouse op Pretoria FM oor tegniese onderwys op skool- en tersiêre vlak.
Dr Philip Minnaar (hoof van Sol-Tech) gesels met MD Greyling oor die belangrike rol wat tegniese skole in Suid-Afrika speel, juis ook met die oog op die Vierde Industriële Revolusie.
Aspekte soos onder andere wat 'n tegniese skool is, die loopbaan geleenthede wat 'n tegniese skool moontlik maak en hoe die landskap in Suid-Afrika lyk, word aangeraak.
Dit is 'n moet-luister:
www.pretoriafm.co.za/skuins-voor-pouse-29-julie-2020/
#tegnieseonderwys #jousoltech
#joutoekoms #tegniesekolleges
#tegniesehoërskole
Skakel gerus vanmiddag om 16:00 op Pretoria FM in vir ‘n gesprek met dr Philip Minnaar (hoof van Sol-Tech) oor die verskeie loopbaanmoontlikhede wat tegniese onderwys bied.
#jousoltech #tegnieseonderwys #joutoekoms
#tegniesehoërskole #tegniesekolleges
Ons studente is nou al ‘n geruime tyd terug op kampus en draf klas onder nuwe “normale” omstandighede.
Uitstekende resultate is behaal met die laaste N2 akademiese inname en studente wys steeds hul staal tydens die eksamen.
Sterkte, julle maak ons trots!
📸 Mia Slabbert
#soltechstudente #covid19 #mysoltech
Ambagte deur die geskiedenis #10
1966: Die Gariepdam
Verskeie ambagte het bygedra tot die suksesvolle konstruksie van die Gariepdam. Bouers, messelaars, sweisers, elektrisiëns (wat steeds by die kragstasie bedrywig is), meulmakers en passers-en-draaiers was by die bou van die dam betrokke.
Tussen 1966 en 1972 het byna elke ambag ’n belangrike aandeel in die projek gehad – en op so ’n wyse die krane vir groot gedeeltes in Suid-Afrika oopgedraai.
Deur die geslagte heen is die vermoë en vaardigheid om met planne vorendag te kom, oorgedra – tot dié vermoë eindelik as volwaardige beroep erken is. Die vaardighede en ontwikkeling van ambagslui staan sentraal tot die ontwikkeling van feitlik elke bevolkingsgroep ter wêreld en Suid-Afrika is geen uitsondering nie.
#ambagte #soltech #geskiedenis
S-Leer en Solidariteit Jeug bied 'n reeks webinare aan wat spesifiek daarop gerig is om jongmense vir die werksplek voor te berei.
Vir meer inligting oor die temas en om jou plek te bespreek, besoek gerus www.s-leer.co.za
#joutoekoms #soltech
Oorweeg jy ‘n loopbaan in 'n ambagrigting, maar het nie Wiskunde en Wetenskap as vakke op skool nie?
Of, stel jy in 'n tegniese studierigting belang, maar het slegs akademiese vakke op skool?
Sol-Tech bied ‘n afstand oorbruggingsprogram aan wat jou die nodige boublokke gee om toegang tot ‘n Beroepskwalifikasie by Sol-Tech te kan verkry.
Met die uitdagings wat COVID-19 tans bied word hierdie program aanlyn (voltyds of deeltyds) aangebied en kan jy dit in die gemak van jou huis voltooi - regoor Suid-Afrika.
Besoek gerus Sol-Tech se webtuiste vir meer inligting oor die program of stuur ‘n epos aan navrae@sol-tech.co.za
#oorbruggingsprogram #soltech #joutoekoms
Het jy studenteverblyf vir 2021 in die breë Centurion-area beskikbaar?
Adverteer gratis op ons verblyfportaal: sol-tech.co.za/bied-verblyf/
#soltechstudente #soltech2021 #biedverblyf #studenteverblyf
Ons Alumni vertel | Gerhard Akker, 22 jaar
Gerhard Akker: “My studies by Sol-Tech het vir my soveel deure oopgemaak. Die firma waar ek nou werk, het my al die wêreld vol gestuur en […]
Verskillende ambagte en die beroepe wat jy kan volg daarin
Skaars 100 jaar gelede was mense daarop aangewese om self te kon doen, herstel en produseer. In die afwesigheid van middele wat jy klinkklaar van die […]
Woon die Sol-Tech-opedag uit die gemak van jou huis by
Sol-Tech hou op Saterdag 6 Junie 2020 vir die eerste keer ʼn aanlyn opedag vir voornemende studente sodat hulle meer te wete kan kom oor die […]
Ambagslui steeds hoog in aanvraag
Daar is wêreldwyd ’n tekort aan goed gekwalifiseerde ambagslui, wat beteken dat mense met hierdie vaardighede regoor die wêreld in groot aanvraag is. “Ons beleef uitdagende […]
Sol-Tech Beroepsopleiding Kollege: Afstand Onderrig Tydens Covid-19 – QCTO Bevestiging: Communique 6/2020
Sol-Tech Beroepsopleiding Kollege het reeds te midde van die Covid-19 pandemie, in belang van die gesondheid en veiligheid van ons personeel en studente, die voortsetting van […]