Die Sol-Tech-promoveringsplegtigheid is ’n prestige geleentheid wat aan studente, wat hul teoretiese en praktiese opleiding suksesvol voltooi het, die gepaste erkenning gee.

Die geleentheid vier dus die studente se promovering tot die werksplek. Dit vind eenmalig plaas voordat die studente uitgeplaas word om hul werksplekkomponent by die werkgewer te voltooi. Let wel dat hierdie nié ‘n rooiseëlgeleentheid is nie.

Kwalifiserende studente ontvang ’n formele uitnodiging en inligtingsblad per e-pos.

Die uitnodiging word 4-6 weke voor die promoveringsplegtigheid na die student se @studente.sol-tech.co.za asook POPIA e-pos adres gestuur.

Weens die finalisering van punte kan die uitnodiging nie vroeër uitgestuur word nie. Ouers word daarom sterk aangeraai om nie enige lugvaart/vervoer reëlings te tref voordat die student ’n formele uitnodiging ontvang het nie.