Die #JongYster-ambagresies het Sol-Tech se topstudente uitgedaag om hul tegniese vaardighede, deursettingsvermoë en kreatiwiteit tydens die Ambagdag 2025 te toon.
Dié opwindende ambagresies het op 15 Maart tydens Ambagdag plaasgevind en die Sol-Tech-studente moes behoorlik hul staal toon. Hierdie intense uitdaging is ʼn belangrike deel van Solidariteit se #JongYster-kompetisie waar kandidate se probleemoplossingsvaardighede en tegniese vaardighede op die proef gestel word. Die #JongYster-toekenning gee erkenning aan Sol-Tech-studente wat uitblink en met passie, vernuf en deursettingsvermoë nou reeds groot sukses in hul ambag behaal.
Tydens die Ambagresies moes kandidate uitdagende praktiese opdragte voltooi wat hul tegniese kennis, akkuraatheid en spoed tot die uiterste beproef het. Die beoordelaars het nie net op die eindresultaat gefokus nie, maar ook op hoe die deelnemers probleme hanteer, hul vaardighede toepas en in ʼn spanopset presteer.
Die kandidate wat suksesvol was in die Ambagresies, dring nou deur na die volgende ronde van die kompetisie: onderhoude op 1 April 2025. Tydens die onderhoude sal hul ingesteldheid, motivering en leierskap verder geëvalueer word. Op 7 April 2025 word die topdrie-finaliste aangekondig, waarna die uiteindelike wenner amptelik aangekondig en vereer sal word.
Lees gerus hier meer
